İşte Belge..! M. Kemal'in Anadolu'ya Devlet Gönderdi

[duanur]

bu ne dek yani?m.kemal Anadoluya devlet gönderdi ne demek?

[ruy-ı zemin]

ERKÂN-I HARBİYE-İ 'UMÛMİYE DÂİRESİ

9. Ordu Kıt'âtı Müfettişliğine Verilecek Ta'lîmât Sûretidir

Dokuzuncu Ordu Kıt'ât Müfettişliğine 'Âid Vezâif

Zât-ı 'Âlînizin Dokuzuncu Ordu Müfettişliğine ta'yîni husûsuna irâde-i seniyye-i 'inâyet-i pâdişâhî şerefsudûr buyurulmuşdur ancak işbu müfettişlikdeki vezâif-i 'âlîleri; yalnız 'askerî olmayıp müfettişliğin ihtivâ eylediği mıntıka dâhilinde 'aynı zamanda da mülkîdir.

1- İşbu müşterek vezâif şunlardır:

a) Mıntıkanızda âsâyiş-i dâhîlinin i'âde ve istikrârı ve bu âsâyişsizliğin esbâb-ı hudûsünün tesbîti

b) Mıntıkada ötede beride müteferrik bir halde mevcûd ....... bahs edilen esliha ve cephânenin bir an evvel toplatdırılarak münâsib depolarda izmârı ve muhâfaza altına alınması

c) Muhtelif mahallerde birtakım şûrâlar mevcûd olduğu ve bunların 'asker toplamakda bulunduğu ve gayr-ı resmî bir sûretde ordunun bunları himâye eylediği iddi'â olunuyor. Böyle şûrâlar mevcûd olub da 'asker topluyor, silâh tevzî' ediyor ve ordu ile de münâsebetde bulunuyorlarsa kat'iyyen men'i ile bu kabîl müteşekkil şûrâların da lağvı

2- Bunun içün:

a) İki fırkalı olan Üçüncü ve dört fırkalı olan Onbeşinci Kolordular müfettişin emrine verilmişdir. İşbu kolordular harekât ve âsâyiş husûsâtında doğrudan doğruya zât-ı 'âlînizle müfettişlik ve mu'âmelât-ı câriye ya'ni mu'âmelât-ı zâtiye kuvve-i 'umûmiye ve sâire gibi husûsâtda kemâ fi's-sâbık Harbiye Nezâretiyle muhâbere edeceklerdir. Fırka veyahud mıntıka kumandanlığı veya bir vazîfe-i husûsiyeye ta'yîn idilecek zâbitânın ta'yîn veya tebdilleri inzimâm olacakdır. Ma' hâzâ sâir husûsâtca lüzûm ve menfa'at görerek müfettişliğin verdiği ta'lîmâtı kolordu kumandanlıkları muvâfakatınızla veya talebinizle 'aynen tatbik edeceklerdir. Bi'l-hâssa ahvâl-i sahîha pek mühimdir. Bu zemindeki terakkiyât ve icrââtın ahâliye de teşmîli lâzımdır.

b) Müfettişlik mıntıkası Trabzon, Erzurum, Sivas, Van vilâyetleriyle Erzincan ve Canik müstakil livâlarını ihtivâ eylediğinden müfettişliğin yukarıda ta'dât edilen vezâifi tedvîr içün vereceği bi'l-cümle ta'lîmâtı işbu vilâyetlerle mutasarrıflıkla doğrudan doğruya îfâ edeceklerdir.

3- Müfettişlik hudûduna mücâvir vilâyât ve elviye-i müstakile [Diyarbekir, Bitlis, Ma'mûretü'l-'azîz, Ankara, Kastamonu Vilâyetleri] ile kolordu kumandanlıkları da müfettişliğin îfâ-yı vazîfe sırasında re'sen vâki' olacak mürâca'atlarını nazar-ı dikkate alacaklardır.

4- Müfettişliğin husûsât-ı 'askeriyeye 'âid merci'i Harbiye Nezâreti olmakla beraber husûsât-ı sâire içün makâmât-ı 'âliye-i 'âidesiyle muhâbere edecek ve işbu muhâbereden Harbiye Nezâretine de haber verecekdir.

HARBİYE NÂZIRI

[Fatihan]

Teşekkürler ruy-i zemin