Gönderen Konu: Kadi gecesi ve sürenin tefsiri  (Okunma sayısı 4727 defa)

0 Üye ve 1 Ziyaretçi konuyu incelemekte.

Çevrimdışı müteallim

  • Moderatör
  • popüler yazar
  • *****
  • İleti: 4786
  • gizli mahzenlerde kalan tarihin yeni adresi
    • www.Libv- kamp-lintfort.de
Kadi gecesi ve sürenin tefsiri
« : 19 Eylül 2009, 01:33:30 »

Kandilinizi tebrik eder ,hususi dualar bekler, dualarinizin kabulünü Yüce Mevladan niyaz ederiz  
 
 
 
 
 
 
 
﴿سورة القدر﴾

بسم الله الرحمن الرحيم

﴿ انا ﴾ بوراده (ان)نك اسمي (نا)در.جمع نوناتدن دولايي حذف ايدلمشدر.اصلي (اننا)در.جناب حق بوراده (انا)بويورمايبده (انا)جمع صيغه سيله بز بويورماسي عظمته دلالت ايچوندر.بلاغة تاكيد و يمين مقامنده در.ذاتمزله , صفاتمزله, اسما و افعالمزله , قدرت و غظمت مزله بز نه يزدر؟

﴿ انزلناه ﴾ ان نك خبريدر. بز عظيم الشان اوني يعني او معظم اولان قراني انزال ايتدك اينديردك.بوراده ده (انزلنا القران)بويورمايبده اسم ظاهر يرينه ضمير كتيرمسي علم بلاغتجه عظمت ايچوندر.عظمته دلالت ايچوندر.(انا)ده ذات اجل و اعلا سنه عظمت اولوب (انزلناه)ده قران عظيم الشانه تعظيم واردر..اينديرلمك و اينمك شان , انجاق او قران عظيم الشانه مخصوص اولديغندن ضمير ايله كلمشدر.

قران عظيم الشان ده انزال وار  , تنزيل وار. ارالرنده كي فرق : انزال طوپدن اينمك و اينديرمك اولوب تنزيل ايسه سببلر ظهور ايديب اقتضا ايتدكجه ايت ايت سوره سوره قرانك اينمسي و اينديرلمسي ديمكدر.  جناب حق بوراده تنزيل بويورمايبده  انزال بويورماسينك سببي , قران عظيم الشان لوح محفوظدن سماء دنياده كي بيت العزيه كه- بيت المعمور ده ديرلر (ملائكۂ كرامك قبله سي در)نوردن بو كرسي اوزرينه جبرائيل عليه السلام واسطه يسله طوپدن اينديريليب اورادنده سببلر ظاهر اولدقجه ينه جبرائيل عليه السلام واسطه سيله رسول ذي شان افنديمزه يكرمي اوج سنه ده نزولي اكمال اولمشدر.نره ده انزال ايتدك اينديردك ﴿ في ليلة القدر ﴾ ليلۂ قدر ده يعني قدر كجه سنده انزال ايتدك اينديردك .(ليلة القدر)ظرف زمان محدوددر.ظرف زمان محودلرده ايسه (في)نك حذفي لازم ايدي.بوراده حذف ايديلمه مسنك سببي كيجه نك بر جزء عظيمنده اويله بو نقطه ده كي او جزده انزالنه ايشارت ايچوندر.اكر  في حذف ايديلمش اولسه كيجه يي استعاب ايدردي يعني ليلۂ قدرك عمومنده انزال اولونمش اولوردي.(في)ايسه علم اصوله كوره جزئية افاده ايدر.﴿ وما ﴾ استفهام انكاري نه شي كه ﴿ادري﴾ بيلديره بيلير  نه (هو)او شي كيمه (ك)سكا نه يي بيلديره بلير (ما)مبتدا, اول بر شي عظيم كه او شيده نه در ﴿ ليلة القدر ﴾  مبتدا اولان ما نك خبريدر. او معظم اولان ليلۂ قدري و اونك فضيلتني او كيجه ده اولان بركات و فيوضاتي بتون خيرلري نه شي سكا بيلديره بيلر.البتده هيچ كيمسه بيلديره مز.اويله ايسه بن بيلديره يم  حبيبم﴿ ليلة القدر ﴾ مبتدا بلاغة استيناف در.سؤال مقدره نك جوابي در.شبه كمال اتصال اولديغندن عطف يوقدر.قدر كيجه سي نه در؟.﴿خير﴾ زياده خيرلي در.نه دن ﴿من الف شهر﴾ بيك اي دن يعني ايچنده قدر بولونمايان بيك اي دن كه كيجه سي قائم كوندوزي صائم اوله رق و في سبيل الله مجاهده ايده رك سكسان اوج سنه دورت اي عبادت ايتمكدن ليلۂ قدري احيا ايتمك زياده خيرلي در.يعني جناب الله بو قدر  زماني عبادت ايتمش ثوابي احسان بويوره جقدر. حضرت نوح عليه السلام خلقي يعني قوميني دوقوزيوز اللي سنه حقه دعوت ايتدي..رسول الله افنديمز ايسه يكرمي اوج سنه دعوت ده بولوندي.بو امتك عمري قيصه اولديغندن لطفا كرما اخر زمان نبي سي و اونك امتنه بر كيجه  ويرديكي بك اي دن دها خيرلي در.بويوردي.جناب حق رمضان شريفي بر موسمه تخصيص ايتمه ييب ده هر موسمده دوران ايتديرمه سي , هر موسم رمضان شريفك انواري و اسرارندن استفاده ايتسين و هر موسمده كي نعمت  الهيه رمضان شريفك فيوضاتندن مستفيض بولونسون و هر موسمنك نعمتي رمضان شريفده يينيليب ايچيلسن ايچوندر..كذا رمضان شريفك بتون كيجه لريني احيا ايتسينلر ديه جناب حق ليلۂ قدري ده رمضانك بو كيجه سنه تخصيص بويورمامشدر... قدر كيجه سي رمضان ايچنده بر كيجه اولوب هانكي كيجه اولديغي قطعيتله معلوم دكلدر. يالكز سورۂ جليله ده (ليلة القدر)كلمه سي دوقوز حرف اولوب و سوره ده اوج كره تكرر  ايتمه سيله ٣× ٩= ٦٧  ايتديكي ايچون اكثري علما يكرمي يدنجي كيجه سيدر  بويورمشلردر.و يكرمي يدنجي كيجه قدر كيجه سي اولديغي حقنده حديث شريف واردر.رمضان شريفك بدايتي صالي كوني اولورسه قدر كيجه سنك يكرمي يدنجي كيجه اوله جغيني اوتوز اوج  سنه ليلۂ قدرله مشرف اولان عبد الوهاب  شعراني حضتلري افاده ايتمشلردر.﴿ تنزل ﴾ اصلي تتنزل در.استيناف در.نزول ايدر و ايده جكدر.نه ﴿ الملائكة ﴾ ملكلر دها ﴿ والروح ﴾ روحده اينر.روحك بوراده بر چوق معناسي واردر. ١- روح اسمنده عظيم بر وارلق يعني عظيم بر ملك ٢- جبرائيل عليه السلام چونكه (نزل به الروح الامين)بويورلمشدر.٣- عموم ارواح انبيا و ارواح اوليا و ارواح مؤمنين و ارواح عباد نزول ايدر..ملائكه عام اولوب روح ايسه خاص در.عطفده من وجه موافقت و من وجه مغايرت بولونديغندن بونك ملك يعني جبرائيل اولماييب روح اسمنده عظيم بر وارلق اولديغني افاده ايدنلر اولمشدر.(والروح)مبتدا ياپوبده (نازل)خبر ياپمقده اولور.نره ده ملكلر نزول ايدر.﴿ فيها ﴾ او قدر كيجه سنده ملائكه و روح نزول ايدر.نه ايله

﴿ باذن ربهم ﴾ رب لرينك اذنيله نزول ايدر اينر.نيچون ﴿ من كل امر ﴾ من اجل كل امر  تقديرنده در.هر بر امر الهي اجلندن ايچون موجوداولمش و اوله جق خيرلر ايچون اينرلر ﴿ سلام ﴾ انجاق سلامتدر.﴿ هي ﴾ او كيجه يعني قدر كيجه سنده دنيانك هيج بر طرفنده زلزله, قاصيرغه , افات و بوتون قورقونج شيلردن و فلاكتدن سالمدر..بوراده (سلام هي)(هي سلام)موقعنده كلمشدر.يعني اوكيجه انجاق سلامتدر.سلامت و سلاملق انجاق او كيجه يه مخصوصدر.و خبرك تقديمي بلاغته كوره قصر ايچوندر.نه زمانه قدر.﴿ حتي مطلع الفجر ﴾ فجر طلوع ايدنجه يه قدر.يعني فجرك محل طلوعنه قدر كه دوغمازدن اوله قدر او كيجه سلامتدر.ملكلرك ير يوزونه اينمه لرينك سببي ١- جناب حقك سلامني امت محمده تبليغ ايچوندر.ملكلر هر كسيك يانينه سلامي تبليغ او كيجه ده اوج دفعه كليرلر.برنجي ده اويور بولورلرسه دونرلر.ايكنجي ده كذا.اوچونجي ده ده اويور بولورلرسه محزون اوله رق دونرلر كيدرلر.و او كيجه اويور بولنانلر رحمت الهيدن محرومدرلر..٢- سماده كورمدكلري شئ كورمك ايچون كليرلر.٣- انين مذنبين ايشيتمك ايچون كليرلر .زيري حديث قدسيده (انين مذنبين)مسبحينك صداسندن مولايه دها سوكيلي اولديغي بيان بويرولمشدر..٤- جناب حق ملكلره خطابا ير يوزونه بر خليفه  ادم اوغلي خلق ايده جكم بويورديغي زمان ملكلر اول جه كي قوم لرك حاللريني بيلديكلر ي ايچون يا رب ير يوزوني افساد ايديجي و قان دوكوجي مي خلق ايده جك سيك يعني بودامي اونلر كبي اوله جق ديمشلردي.جناب حق ده بنم بيلديكمي, سز بيلمزسكز بويورمشدي.ايشته او زمانده واقع اولان بو حقيقتي ملكلره بيلديرمك اوزره جناب حق قدر كيجه سي ملكلره اذن ويرييور .كيدك باقالم قوللرم افساد اوزره مي يوقسه بكا قوللق وظيفه سي ايله مي مشغولدرلر.ملكلر كليب كوررلركه كيمي قيامده , كيمي ركوع , كيمي سجود , تسبيح  , تهليل كتيرمكده كيمي سي قران كريم , كيمي اوراد اذكار اوقومقده كيميسي ده كنديني مولانك نورينه ربط ايديب كندندن كجمش وضعيتده كورنجه حيران اولوب و وقتيله (اتجعل فيها من يفسد)الخ ديمش اولمالرندن محجوب اولورلر.عصيان و طغيان اوزره اولوبده انسانلقدن چيقانلري انسان صورتنده اولماييب تبدل ايتمش اولديغي حالده لايق اولديغي حيوان صورتنده كوسته رر..اكر بونلريده انسان اوله رق كورسه لر بونلردنده مفسد وار يارب ديرلردي.حتي بر ياتاق ده ايكي چفت دن بري ايمان و طاعت صاحبي ديكري كفر و عصيان صاحبي اولسه بريني انسان ديكريني ده تبدل ايتديكي صورتده يعني كوپك  , ييلان ..الخ حيونات اوله رق كورييورلر.بوني كورن ملك دهشت و حيرت ايچنده قاله رق دكر ملكلره (هلموا هلموا اعجبوا)كليكز كليكز بوراده چوق عجيب بر شي وار.بر ياتاقده انسانله حيوان ياتييور .بو نه عجيب شي در ديه بربرلرينه تعجب و حزن لريني اظهار ايدرلر. ٥- ملكلردن هيج بري عالم ارواحدن ايلري  , عالم امر سير ايده مز.انجاق او كيجه قلبنده فيوضات الهي اولان مؤمنلرك قلبندن عالم امري سير ايتمك ايچون اينرلر.معنويات ايله علاقه سي اولان هر مؤمنك قلبندن عالم امره يول واردر كه او يولدن معنوياتلي كيمسه لرك قلبنه نور الهي كلير .بعض تسبيحلردن مكۂ مكرمه سير ايدلديكي كبي او كيجه ده نزول ايدن ملك لرده عالم امري معنوياتلي كيمسه لرك قلبلرندن سير ايدرلر.

  Kuslar gibi ucmasini baliklar gibi yüzmesini ögrendik amma kardesce yasamasini ögrenemedik

Çevrimdışı h.kök

  • Yeni üye
  • *
  • İleti: 4
Ynt: Kadi gecesi ve sürenin tefsiri
« Yanıtla #1 : 03 Ağustos 2012, 11:13:44 »
Allah razı olsun