SADAKAT MEDRESESİ > MEDRESE SALONU

Terkibi helvai hakkani

(1/1)

Tesniye:
Yarım vakıyye yahûd bir vakıyye yahûd yüz dirhem hülasa ekl ve tenavül edecek ademiyanın cem'iyyetine nazaran bir kabı ölçü addedip ol ölçünün lebaleb olarak üç aded dolusu 'asel ve üç aded dolusu ab ve lebaleb olarak bir aded dolusu nişasta ölçüp mecmü'unu helvâ-hâne tenceresi derünuna vaz' ittikten sonra mu'tedil ateş üzerine ilkaa edip tabh oluna ta ki ab-ı mezkur ber-hevâ olup tencere derunu yapıştıkta bila-tevakkuf bir kepçe a'la olarak sızdırılmış revgan-ı sade vaz' oluna. Yine ateş üzerinde tabh edip yapışmağa başladıkda keza ve keza bir kepçe revgan-ı sade vaz' edip nihayetü'1-emr helvâ-yı mezkur koyuncaya değin vech-i muharrer üzre tabh ettiken sonra yine helvâ-yı mezkur matbüh olmaz. Meğer ki kepçe dahi kendisini kurtardıkta ol zaman helvâ-yı mezkur kemal ile matbüh olmuş olur. Ancak ibtida 'asel ve ab ve nişasta tencereye vaz' olunup ateşe ilkaa olundukda kararınca bir mikdar ağardılmış badem içi dahi ihtilal oluna, tahrîrimiz üzere helvayı mezkurun kemal ile tabh olduğunu münfehim oldukda her bir kaşıkta badem olmak üzere kaşıkla bir kebîr siniye kortarıp el tahammül edecek mertebeye geldikte a'la şekere bulayıp badehu el ile hurma şeklini tanzîm ettirdikten sonra sırasiyle tabağa ilkaa oluna. Bâlâda muharrer olan üç ölçü suyun bir ölçüsünü ibtidaen tencere içre vaz' edip nişasta-i mezküre iyice ol ab ile ezile. Bu tarif balada tahrîr olunmak lazım ise de sehv olunmağla zeyle kayd olundu. Veyahud bademler derünuna ilhak olunmayıp yağ ile kızardıla ve her bir kıt'anın derununa birer badem ilhak ederek şeker ile sıkıla.

TERKÎB-İ HELVA-YI LEB-İ DÎLBER

Faraza bir kıyyelik kabı ölçü addedip ol ölçü ile iki 'asel ve bir ab ve iki parmakdan dün olup lebaleb olmayarak bir revgan-ı sade ölçüp tencere derünuna vaz' olunup ateş üzerine il-kaa oluna. Yine ol ölçü ile basılmamış kabaca olarak silme nişasta ve bir ab ölçüp nişasta-i mezkur ol ab ile iyice ezilip hallolunduktan sonra 'asel-i mezkur ile ihtilad oluna. Kepçe ile karıştırarak tabh oluna. Nihayet yağını taşra ihraç edip böylece bir iki defa yağı mahall-i ahere süzile, yine tabh oluna. Bir mikdar helva-yı mezkurdan soğudup tenavül oluna. Eğer ki damağa yapışmayıp sakızlanmış ise ol vakt matbüh olmuş olur. Ol vakit helva-yı mezkuru bir tepsi içre bast edip fırıra irsal oluna. Üze¬ri kızarıp akîklendikte ihraç oluna. Ba'dehu bir mikdar ağardılmış ve sahk olunmuş badem içi toz şekeriyle ihtilat ederek üze¬rine bast oluna ve bir mikdar çiçek suyu veyahud gül suyu serpile ba'dehu tenavül oluna.


classic inthernhet quotation

muallim_abi:
Vakiyye değil vukiyye (veya vukîye) olmalı.

Maalesef gerek Ferit Devellioğlu, gerek Zenker ve gerekse Redhouse bu kelimeyi sözlüklerine yanlış almışlardır.

Doğru şekli Kâmûs-i Türkî ve Meninski (1683 yılında yayımlanmıştır) sözlüklerinde bulunmaktadır.

Selam ve dua ile..

Navigasyon

[0] Mesajlar